Linkterpreting dávos a benvida!

Linkterpreting é unha plataforma de recursos para a interpretación de enlace destinada a intérpretes en formación ou en activo, a persoal docente formador de intérpretes e a calquera persoa interesada.

Trátase dun proxecto aberto e dinámico xurdido no seo da Universidade de Vigo e dirixido pola Dra. Maribel del Pozo Triviño, que combina tanto conceptos e fundamentos teóricos como exercicios prácticos e materiais didácticos.

Na barra superior azul desta páxina encontraredes:

• información teórica sobre a interpretación (definición, historia, técnicas, modalidades, bibliografía e outros recursos);
• exercicios previos á interpretación (axilidade mental, bidireccionalidade, clozing, concentración e división da atención, contextualización numérica, definicións, improvisación, memoria e imaxe mental, paráfrase e simplificación, reactivación léxica e semántica, reformulación e rexistro, toma de notas e voz e respiración);
• información sobre a formación en interpretación;
• enlaces de interese a blogs, páxinas web de organizacións e institucións, publicacións, recursos terminolóxicos e documentais e webs de redes, grupos e asociacións;
• información sobre autores e autoras;
• contacto.

Na barra principal podedes ver que a páxina se divide en cinco bloques que se corresponden cos cinco grandes ámbitos da interpretación nos servizos públicos: o ámbito social, o ámbito sanitario, o ámbito xudicial, o ámbito policial e o ámbito dos negocios. Cada un destes bloques contén:

• información teórica sobre cada un dos ámbitos;
• roleplays (texto e vídeo) para realizar exercicios de interpretación de enlace;
• documentos relacionados cos distintos ámbitos.

Linkterpreting é froito do traballo de Elena Armas López, Guillermo Rosales González, Rut Guinarte Mencía, Kerri Murphy, Manuela María Pequeño Leis, Carlota Acosta Rodríguez, Raquel Ferrón Martínez, Manuel Folgueira Anllo,  Daniel Alonso Lorenzo e Ana Iglesias Pérez, alumnas e exalumnas de Tradución e Interpretación na Universidade de Vigo, dirixidos pola Dra. Maribel del Pozo Triviño. Gustaríanos dende aquí agradecerlles a todas as nosas compañeiras e compañeiros da Licenciatura en Tradución e Interpretación e do Grao en Tradución e Interpretación o seu apoio e a súa axuda indispensables na recompilación e na creación de material. Tamén queremos darlle as grazas a Elisa Gómez López, docente da Universidade de Vigo que nos facilitou material e consellos, ademais de brindarnos en todo momento o seu apoio e a súa experiencia.

Dito isto, animámosvos a explorar a nosa web. Esperamos que vos guste!

O noso impacto no mundo:

Se utilizas Linkterpreting en calquera lugar do mundo, envíanos un correo a linkterpreting@uvigo.es cos datos da túa institución e mais o programa no que o empregas! Fai clic aquí para consultar a lista completa de institucións.

Outras webs do equipo con recursos para á interpretación de enlace: